Quero dicir antes de nada que son comerciante (ou tendeiro se soa mellor) e o Nadal é a época do ano que máis traballo teño, pero é que hai cousas que non entendo. Que o 24 de Novembro se prendan as luces do Nadal é unha delas, chamádeme antigo pero é que na miña casa poñiamos o belén e a árbore o día 21 de Decembro, mentres daban o sorteo da lotería pola tele, e chegaba ben para aburrirse deles.
Podería entender que as grandes superficies o puxeran para animar aos clientes que van mercar os domingos, pero pola miña experiencia sei que a meirande parte da xente deixa as compras para o último día.
O que non entenderei é que os concellos se sumen a esta moda e iluminen as nosas cidades sabendo o gasto enerxético que se fai. Para iso facemos os cambios de hora? Para iso nos mandan non ter prendida a luz innecesariamente?
Persoalmente preferiría que adiantasen a chegada do verán ao mes de Marzo. Ata logo e, por favor, o último que peche a luz.
4 comentários:
Para min o tema das luces do Nadal é chover sobre mollado. Non aturo esta tolemia consumista, non aturo ver como nos rouban o mes de novembro hipnotizándonos cun alumeado excesivo e prematuro. Eu voto por que se pase de outubro a febreiro directamente, como o verán xa comeza en marzo nalguns grandes almacens... pois... podemos seguir facendo o parvo sen que a factura da luz nos preocupe. En fin...
E a cousa vai a máis e a peor. Nos anos 90 ía varias veces ao ano a Cardiff, a capital de Gales, e alí xa a primeiros de Decembro, todo estaba iluminado. En Galicia, como ben sinalas, tardábase máis. O comercio ( ou as tendas, se o prefires ) mandan moito. E daquela se elas din que hai que comezar a mercar xa, pois ala, a mercar xa. Desde logo, é unha incoherencia, como moi ben explicas. LUCIDO ( que vén de luz )
Pois a min de cada vez gústanme máis as luces nadaleiras.
Graciñas polo teu comentario. A historia inventeina eu soíño. Que sei eu; un día inspirado.
qué razón tes, machiño, ademáis estas datas nas que temos que ser felices porque si non me gostan nada... aínda que recoñezo que as luces de nadal ten o seu aquel...
Enviar um comentário